ann am pailteas a' Chèitein de choineanaich 's de chàraichean,
tha a' ghaoth na ruith tron fheur fhada ghleansach,
na sealastairean nan seasamh gu caithreamach sna claisean.
'S tric a mhiannaich mi gu robh mi diofraichte'
Seach mar a thà mi, gus do ghaol a ghlèidheadh,
gu robh mo chraiceann òrbhuidh, m' anam sultmhor,
gu robh gràinean meala garbh nam sgòrnan.
Ach nuair a dh'fhosglas do bheul rim bheul-sa
tuitidh mi an comhair mo chinn dhan àm sa, dhan àite sa,
gun diù do shaoghal cèin na foirfeachd,
bidh mi gun sgàth, nam chat, nam gheàrr.
Chan fhaighte pòg na bu mhìlse air nèamh
na coinneachadh ar bilean ann am mionaid na tìme
na coinneachadh na talmhainn nar làmhan sanntachd
air bàirlinn na cruinne-cè luasganaich, mireagaich.
