An Tuaicheall

Am milleadh-eanchainn

Am balgan-bèiste a dh'adhbhraich e

'S e galar-eanchainn chaorach a tha seo, ach 's e biast nan con (Taenia multiceps) a tha ga adhbharachadh. Seall air an dealbh os àrd (làimh chlì). Tha làrach liath-ghlàs air an roinn chlì dhen eanchainn, no air a' cerebellum ann an dòigh saidheansail. Seo am milleadh a tha a' bhiast a' dèanamh nuair a thig i a-steach gu eanchainn chaorach. Agus mar as motha a tha am milleadh a' dol am meud, 's ann as motha a chithear na comharraidhean - bidh casan na caoraich bhochd a' fàs lag, bidh i a' dol mu seach agus a' feuchainn ri dhol ann an cearcall gun sguir. 'S e sturdy a chanas cìobairean ris sa Bheurla-Ghallta, no gid sa Bheurla.
Air an làimh dheas os àrd, chithear an rud a dh'adhbhraich am milleadh às dèidh a thoirt a-mach. 'S e balgan beag làn uisge a th' ann, agus chithear àl na bèiste a' fàs taobh a-staigh dhen lìnigeadh. Chaidh a' chaora a thruailleadh leis an rud nuair a dh'ith i feur a bh' air a thruailleadh le buachar coin.

Caora a' feuchainn ri dhol ann an cearcall

Tha an galar seo an urra ris an dlùth-cheangal a th' eadar caoraich agus coin-chaorach. Tha biast nan con an urra ris an dlùth-cheangal a tha seo. 'S e cearcall-beatha a tha gu math co-thoinnte a th' aig a' bhiast. Tha na h-inbhich - ris an canar biast nan con - beò ann am mionach chon.

An coltas a tha air biast nan con
dhen gnè Taenia multiceps