SMO

Gàidhlig

Corpus

Carmina Gadelica

CARMINA GADELICA

Ortha nan Gaidheal

DUAN DEILBH [109]

Daorn nam buadh,

Gu deilbh's gu luadh,

Bidh ceud gu leth dual

Ri aireamh.

Snath gorm gu math caol,

Dha gheah ri a thaobh,

Agus sgarlaid ri taobh

A mhadair.

Bidh mo dheilbh gu math reidh,

Thoir do beannachd dhomh, Dhe,

Is do gach uile fo m' chleith

'S an fhardaich.

A Mhicheil, aingil nam buadh,

A Mhoire mhin-ghil tha shuas,

A Chriosd, a Bhuachaill an t-sluagh,

Dean bhur beannachd bi-bhuan

A bhairig.

Do gach neach laigheas sios,

An ainm Athar is Chriosd,

Agus Spiorad na siochaint

Ghrasmhor.

Crath a nuas oirnn mar dhriuchd,

Gliocas caon na ban chiuin,

Nach do dhibir riamh jul

An Ard Righ.

Cum air falbh gach droch shuil,

Gach uile mhuinntir droch ruin,

Coisrig cur agus dluth

Gach snathla.

Cur do ghairdean mu 'n cuairt,

Air gach te bhios ga luadh,

Agus dean a tearmad aig uair

A saruich.

Thoir domh subhailcean mor,

Mar bh' aig Muire ri a lo,

Chum's gun sealbhaich mi gloir

An Ard Righ.

Bho 'n's tus a Dhe tha toir fas,

Do gach gne agus gnaths,

Thoir dhuinn olainn thar bharr

An fheuir ghlais.

Coisrig sealbh anns gach air,

Le 'n uain bheaga bhinne bhath,

Is cuir an lionmhoireachd al

Ar treudais.

Chum 's gu 'm faigh sinn diubh cloimh,

Bainne sultmhor r'a ol,

Is nach bi gainn oirnn a chomhdach

Eirigh.

SMO

Gàidhlig

Corpus

Carmina Gadelica