SMO

Gàidhlig

Corpus

Carmina Gadelica

CARMINA GADELICA

Ortha nan Gaidheal

BEANNACHD IASGAICH [117]

La na soillse thainig oirnn,

Rugadh Criosda leis an Oigh.

'Na ainm-san cratham am burn

Air gach cail a ta na m' churt.

A Righ nam feart 's nan neart tha shuas,

Do bheannachd iasgaich dort a nuas.

Suidhim sios le ramh 'na m' ghlac,

Imirim a seachd ceud's a seachd.

Tilgidh mi mo dhubhan sios,

'S an ciad iasg a bheir mi nios,

An ainm Chriosda, Righ nan sian,

Gheobh an deoir e mar a mhiann-

Is righ nan iasgair, Peadair treun,

Bheir e bheannachd dhomh na dheigh.

Airil, Gabril, agus Eoin,

Raphail baigheil, agus Pol,

Calum-cille caomh 's gach cas,

'S Muire mhin-gheal leis a ghras.

Siubhlaibh leinn gu iola cuain,

Ciuinibh dhuinne barr nan stuagh.

Righ nan righ ri crich ar cuart,

Sineadh saoghail is sonais buan.

Crun an Righ o'n Tri tha shuas,

Crois Chriosda d'ar dion a nuas.

Crun an Righ o'n Tri tha shuas,

Crois Chriosda d'ar dion a nuas.

SMO

Gàidhlig

Corpus

Carmina Gadelica