SMO

Gàidhlig

Corpus

Carmina Gadelica

CARMINA GADELICA

Ortha nan Gaidheal

RUGADH BUACHAILLE NAN TREUD [62]

Oidhche sin a dhealraich an reult

Rugadh Buachaille nan treud,

Le Oigh nan ceudaibh beus,

Moire Mhathar.

An Trianaid shiorruidh r'a taobh,

Ann am frasach fuar, faoin.

Thig's thoir deachamh de d' mhaoin,

Dh' an t-Slan-Fhear.

An cobhrach, ciochrach, caomh,

Gun aon dachaidh fo 'n t-saoghal,

Am Fogaran naomha, maoth,

'Manul!

A thri ainglibh nam buadh,

Thigibh, thigibh a nuas;

Do Chriosd an t-sluaigh

Thugaibh failte.

Pogaibh a bhasa,

Tioramaichibh a chasa

Le falt bhur cinn;

'S O! Thi na cruinne,

'S Iosa, Mhicheil, Mhuire,

Na fagaibh sinn.

SMO

Gàidhlig

Corpus

Carmina Gadelica