SMO

Gàidhlig

Corpus

Carmina Gadelica

CARMINA GADELICA

Ortha nan Gaidheal

MICHEAL NAM BUADH [77]

Mhicheil nam buadh

Cuartam fo d' dhion,

A Mhicheil nan steud geal,

'S nan leug lanna liomh,

Fhir bhuadhaich an dreagain,

Bi fein ri mo chul,

Fhir-chuartach nan speura,

Fhir-feachd Righ nan dul,

A Mhicheil nam buadh,

M' uaill agus m' iull,

A Mhicheil nam buadh,

Suamhnas mo shul.

Deanam an cuarta

An cluanas mo naomh,

Air machair, air cluan domh,

Air fuar-bheanna fraoch;

Ged shiubhlam an cuan

'S an cruaidh cruinne-ce

Cha deifir domh gu sior

'S mi fo dhidionn do sgeith;

A Mhicheal nam buadh,

M' ailleagan cre,

A Mhicheil nam buadh,

Buachaille De.

Tri Naomh na Gloire

Bhith 'n comhnuidh rium reidh,

Ri m' eachraidh, ri m' lochraidh,

Ri cioba cloimh an treud.

Am barr ta fas air raona

No caonachadh an raoid,

Air machair no air mointeach,

An toit, an torr, no an cruach.

Gach ni tha'n aird no'n iosal,

Gach insridh agus buar,

'S le Trithinn naomh na gloire,

Agus Micheal corr nam buadh.

SMO

Gàidhlig

Corpus

Carmina Gadelica