SMO

Gàidhlig

Corpus

Carmina Gadelica

CARMINA GADELICA

Ortha nan Gaidheal

THOIR AM BAINNE [98]

Thoir am bainne, bho dhonn,

Ce 'n conn ma 'n ceillinn ?

Laogh na ba ud braigh na beinge,

'S laogh mo ghraidh-sa air graisich eile.

O! ho! graisich eile.

Thoir am bainne, bho dhonn,

Thoir am bainne, bho dhonn,

Thoir am bainne, bho dhonn,

Trom steilleach.

Ach gheobh mo ghaol-sa laoighean cais-fhionn,

Is buarach caon a theid caomh ma casan;

Cha bhuarach gaoisid, fraoich, no asgairt,

Ach buarach dhaor a bheir daoin a Sasgunn

O! ho! a Sasgunn.

'S gheobh mo righinn-sa finn na maise

Buarach min a theid sliom ma casan;

Cha bhuarach cioba, lioin, no asgairt,

Ach buarach shiod thig a nios a Sasgunn.

O! ho! a Sasgunn.

'S gheobh mo chiall-sa fiar is fasga,

'S gheobh i aonach, fraoch, is machair,

'S gheobh i mislean, ciob, is fasbhuain,

'S gheobh i am fion thig 'o shian nan cas-bheann.

O ! ho! nan cas-bheann.

SMO

Gàidhlig

Corpus

Carmina Gadelica