SMO

Gàidhlig

Corpus

Carmina Gadelica

CARMINA GADELICA

Ortha nan Gaidheal

CRONAN BLEOGHAN [99]

Thig, a Mhuire, 's bligh a bho,

Thig, a Bhride, 's comraig i,

Thig, a Chaluim-chille chaoimh,

'S iadh do dha laimh mu m' bhoin.

Ho m' aghan, ho m' agh gaoil,

Ho m' aghan, ho m' agh gaoil,

Ho m' aghan, ho m' agh gaoil,

M' aghan cri, coir, gradhach,

An sgath an Ard Righ gabh ri d'laogh.

Thig, a Mhuire, dh' fhios mo bho,

Thig, a Bhride mhor na loin,

Thig, a bhanachaig Iosda Criosda,

'S cur do lamh a nios fo m' bhoin.

Ho m' aghan, ho m' agh gaoil.

Bo lurach dhubh, bo na h-airidh,

Bo a bha-theach, mathair laogh,

Luban siomain air crodh na tire,

Buarach shiod air m' aighean gaoil.

Ho m' aghan, ho m' agh gaoil.

Mo bho dhubh, mo bho dhubh,

Is ionann galar dhomh-s' is dhuit,

Thus a caoidh do luran laoigh,

Mise mo mhac gaoil fo 'n mhuir,

M'aon mhac gaoil fo 'n mhuir.

SMO

Gàidhlig

Corpus

Carmina Gadelica