CHO FALLAIN RIS A' BHREAC!
Tha a' Cholaiste a' gabhail pàirt san sgeama SHAW (Scotland's Health at Work) agus thathar an dòchas a' chiad ìre den sgeama seo a choileanadh. Mar phàirt de seo tha sinn ag amas air dòigh-beatha fallain a bhrosnachadh am measg an luchd-obrach. Thathar an dùil fiosrachadh a sgaoileadh gach mìos air cuspairean mar smocadh, eacarsaich, uallach, biadh fallain agus deoch làidir.
A bharrachd air an sin bu toigh leinn tachartasan sònraichte a chur air chois m.e. co-fharpaisean, bùthan-obrach, coiseachd airson catharnnais agus mar sin air adhart. Tha buidheann beag ag obair air seo mar-thà agus chuireamaid fàilte air duine sam bith eile aig a bheil ùidh anns a' ghnothach no aig a bheil beachdan inntinneach.
An t-seachdain-sa bidh fiosrachadh feumail agus recipes fallain rim faotainn san Atrium ann an Àrainn Chaluim Chille.
Bidh clasaichean aerobics a' tòiseachadh gach madainn Disathuirne aig a' cholaiste. Bidh seo fosgailte don luchd-obrach gu lèir agus do mhuinntir na coimhearsnachd (boireannaich is fireannaich). Bidh clasaichean a' ruith aig trì ìrean, eadar luchd-tòiseachaidh agus adhartaich. Ma tha ùidh agaibh fhèin no aig na caraidean agaibh anns na clasaichean feuch gun cuir sibh ur n-ainm air an liosta aig bòrd SHAW ann an ACC, no cuir post-dealan gu sm00ani@groupwise.uhi.ac.uk. Cosgaidh na clasaichean £3 gach turas agus bidh ìsleachadh ann do dhaoine a bhios a' dol ann gach seachdainn.
Seall air na rudan beaga a dh'fhaodadh
sinn dèanamh gach latha airson a bhith nas èasgaidh!
|
LEISG
|
kcals
|
ÈASGAIDH
|
kcals
|
| Cleachd an 'remote' |
>1
|
Èirich agus coisich chun an telebhisean |
3
|
| Suidh sìos is cleachd am fòn fad leth uair |
4
|
Seas agus cleachd am fòn fad leth uair |
20
|
| Iarr air cuideigin eile an taigh a sgioblachadh |
0
|
Cuir seachad uair a' dèanamh obair-taighe |
152
|
| Teasaich biadh sa mhicrowave |
15
|
Cuir seachad leth uair a' deasachadh dinneir |
25
|
| Ceannaich glasraich a tha air an deasachadh mar-thà |
0
|
Cuir seachad 15 mionaid a' deasachadh ghlasraich |
10-13
|
| Iarr air cuideigin an gàradh a sgioblachadh |
0
|
Obair sa ghàradh no geàrr an fheur fad leth uair |
360
|
| Leig an cù a-mach air an doras cùl |
2
|
Coisich leis a' chu fad leth uair |
125
|
| Cleachd car wash |
18
|
Glan an car thu fhèin |
300
|
| Coimhead air an telebhisean airson uair |
30
|
Rach timcheall na bùthan airson uair |
145
|
| Cleachd an lioft |
0.3
|
Cleachd an staidhre |
15
|
| Uile gu lèir |
41.3
|
863
|
Seall air na làraich
seo airson barrachd fiosrachaidh air slàinte, biadh fallain agus comhairle
air eacarsaich.
www.healthyliving.gov.uk
www.bbc.co.uk/food/healthyeating/
http://recipe.sainsburys.co.uk/recipe/
Tha cothroman ann pàirt a ghabhail ann an iomadh seòrsa spòrs is eacarsaich. A bharrachd air cothroman coiseachd is sreap, tha comainn spòrs gan ruith cuideachd. Bidh an Club Badminton a' coinneachadh aig 7.30 gach oidhche Luain agus bidh an Club Claidheamhadaireachd a' coinneachadh gach oidhche Chiadain aig 7 uairean. Bidh an sgioba ball-coise a' cruinneachadh aig Ceann Loch gach oidhche Mhàirt aig 6.30 feasgar. Tha baidhsagalan rim faotainn air màl cuideachd, aig garaids Armadal.
Lochalsh Leisure Centre, An Caol 01599 534848
Amar-snàmh Phort Rìgh
01478 612655
Forestry Commission - Lorg ceum coille faisg air làimh
Ionad Chlann Dòmhnaill, Armadal 01471 844305 - Coisich sa ghàradh
West Highland Heavy Horses, Armadal 01471 844759
Skye Riding Centre, Suladale 01470 582419
Portree Riding and Trekking Stables 01478 613124
Rubha Phoil Forest Garden, Armadal - Coisich tron choille
Skyak Adventures, Camus Cross 01471 833 428
Whitewave, Cille Mhoire 01470 542 414
Raasay Outdoor Centre 01478 660 266
Isle of Skye Golf Club, Sgonnsar 01478 650414
Airson beagan fois is slànachadh an dèidh sin, feuch The Dancing Dolphin ann am Breacais, 01471 822 409.